Әлки районында гиподинамиядән дәва уйлап тапканнар

5 августта Базарлы Матакның үзәк паркында "Хәрәкәттә бәрәкәт" дигән акция үткәреләчәк.

Гиподинамияне кисәтү буенча республика декадасы кысаларында уза бу чара.

Гиподинамия - аз хәрәкәтләнү китереп чыгара торган авыру ул. Кешенең кәефе начараю, даими йокымсырау, аппетит бозылу, йокысызлыктан интегү, эшләү сәләте кимү -гиподинамиянең төп билгеләре. Аны әле 21 нче гасыр чире дип тә атыйлар. Җомга көнне кичке сәгать җидедә башланачак "Хәрәкәттә бәрәкәт" акциясе барыбызны да аз хәрәкәтләнүнең нинди күңелсез нәтиҗәләргә китерергә мөмкин икәнлеге турында кисәтер.