Әлки районында инвалидлар декадасында бик күп төрле бәйрәм чаралары узачак

3 декабрь - Халыкара инвалидлар көне уңаеннан районда инвалидлар декадасы үткәрелә һәм һәм ул 1 декабрьдә үк башлана.

Бу көннәрдә физик мөмкинлекләре чикләнгән кешеләргә игътибар бермә-бер артып, алар катнашында төрле чаралар үткәреләчәк. Алар арасында шахмат-шашка турниры, үзешчәннәр концертлары, спорт ярышлары һәм башкалар бар. Инвалидлар ункөнлеге уздыруның төп максаты - сәламәтлекләре чикләнгән райондашларыбыз тормышында проблемаларны ачыклау һәм хәл итү, төрлечә ярдәм күрсәтү, аралашу чикләрен киңәйтү.

Бүген районда 2763 кеше инвалид дип танылган. Аларның 106 сы - балалар. Билгеле, алар тирә-юньдәгеләрнең кайгыртуына мохтаж.