Әлки районында пенсия яше озайтылу 96 муниципаль хезмәткәргә кагыла

Быелның 1 гыйнварыннан дәүләт һәм муниципаль хезмәткәрләрнең лаеклы ялга чыгу яше озайтылды.

Бу категория хезмәткәр ир-атлар картлык буенча иминият пенсиясе билгеләнү һәм түләү хокукына - 65 яшьтә, ә хатын-кызлар 63 яшьтә ия була. Пенсия фондының район идарәсе начальнигы Рәис Галләмов хәбәр итүенчә, аларның пенсия яше этаплап - ел саен ярты елга арта барачак.

Районда бүген 72 муниципаль хезмәткәр һәм муниципаль вазыйфа биләүче (сайланып куелучы) 24 хезмәткәр эшли. (лица, замещающие муниципальные должности).