Әлки районында яшәүчеләрнең күбесе юлларны чистартудан канәгать түгел

Вконтакте сайтындагы безнең "Әлки хәбәрләре" группасында укучыларыбызга "Сез яшәгән урамны кардан ничек чистартуларыннан канәгатьме? дигән сораштыру тәкъдим иткән идек. Анда 271 кеше катнашты. Җавап бирүчеләрнең 99 ы гына (37%) "канәгать" дигән, ә 164 кеше (60%) канәгать түгеллеген белдергән.

Берничә укучыбыз фикерләрен дә язып элгән.

"Район үзәгенең Филиппов урамында бөтенләй йөрерлек түгел! Машина белән өй янына килү турында уйларга да юк!", "Безнең урамны атна буе чистартмадылар", "Урамыбыздан үтәрлек түгел, балалар укырга ничек йөридер!"-дип зарланган алар.