Әлки районындагы паркларда Ватанны саклаучылар көненә һәм сугышчы-интернационалистларны искә алу көненә багышланаган патриотик чаралар узды

Геройлар паркында тантананы Н.Дәүли исемендәге гимназия коллективы, "Ленин бакчасы"нда - Базарлы Матак урта мәктәбе һәм район мәдәният йорты, ә Ана даны паркында район үзәк китапханәсе хезмәткәрләре үткәрде. Паркларда патриотик җырлар, шигырьләр яңгырады, Бөек Ватан сугышында ил азатлыгы өчен көрәшкән, шулай ук кайнар нокталарда хәрби бурычларын намус белән үтәгән райондашларыбыз данланды.