Әлки районының химия һәм биология укытучысы Гөлназ Хәмитова “Ел укытучысы” республика бәйгесенең финалына узды

Әлеге бәйгенең Болгарда узган зона турында район конкурсында җиңеп чыккан өч укытучыбыз катнашты. Гөлназ Хәмитова, җиде районнан килгән иң яхшы педагоглар арасында җиңүгә ирешеп, республика бәйгесенең март аенда Казанда узасы финалында катнашу хокукына ия булды. Туган районында 18 ел балаларга белем бирүче бик яхшы профессиональ әзерлекле, таләпчән һәм үз хезмәтен яратып, бөтен күңеле белән бирелеп башкаручы бу педагогка финал бәйгесендә дә уңышлы чыгыш ясавын телик.