Әлки районында 20 декабрьдән янгынга каршы махсус режим кертелә

Бу Яңа ел бәйрәме чараларында янгын хәвефсезлеген тәэмин итү максатында эшләнә. Махсус режим чорында сәнәгать, транспорт инфраструктурасы (автомобиль юлларыннан тыш), ягулык-энергетика комплексы объектлары чикләреннән 500 метрда, торак-коммуналь хуҗалыгы, авыл хуҗалыгы объектлары, күп кеше була торган объектлар  чикләреннән 50 метрда 1-3 класслы хәвефлектәге пиротехника эшләнмәләрен (бенгаль утларыннан һәм хлопушкалардан тыш) куллану тыела.