Әлки районында автомобиль тәгәрмәчләре астында калып җәяүле һәлак булган

  Тайота автомобиле шоферы “Алексеевск-Югары Колок” автомобиль юлы буйлап “Юхмачы” терлекчелек комплексы яныннан үтеп барганда җәяүлене таптата. Кичке караңгыда җәяүле юлның машиналар хәрәкәт итә торган җиреннән бара. Кызганычка каршы, аның киемнәрендә яктылык кайтаргыч элементлар да булмый, шунлыктан машина йөртүче җәяүлене күрми кала. Каты яраланган хатын ашыгыч ярдәм килгәнче вафат була.