Яңалыклар
Әлки районында чаңгы сезоны ачылды
Бүген «Чаңгы юлы чакыра» дигән спорт фестивале узды, анда чаңгы спортын яратучылар, кунаклар һәм җанатарлар җыелды.
Районда ел саен спорт бәйрәме үткәрелә, ул Яңа ел алдыннан чаңгы сезонын ача. Бу вакыйга белән катнашучыларны район башкарма комитет җитәкчесенең социаль мәсьәләләр буенча урынбасары вазыйфаларын башкаручы Лилия Сәлахиева котлады. Чараның тантаналы өлешен район мәдәният йорты хезмәткәрләре үз чыгышлары белән бизәделәр. Кыш Бабай һәм Кар кызы фестивальгә Яңа ел тылсымы өстәделәр.
Чаңгы спорты буенча баш тренер Николай Ирдинкин чаңгы стартына сигнал бирде. Әлеге спорт төрен яратучылар чаңгыга бастылар һәм ак кар буенча алга үрелделәр.
Следите за самым важным и интересным в Telegram-каналеТатмедиа
Нет комментариев