Әлки районында депутатлар чисталык һәм коронавирус турында әнгәмәләр үткәрәләр

Алар кешеләр белән очрашып Бөек Җиңүнең 75 еллыгын билгеләп үтү буенча халыкның фикер – тәкъдимнәрен җыялар, 1 апрельдән башланачак чисталык икеайлыгы хакында аңлату эшләре алып баралар. Соңгы көннәрнең хәвефле яңалыгы – коронавирус белән бәйле вакыйгаларны да игътибардан читтә калдырмыйлар. Депутатлар йогышлы авырудан саклану чараларын аңлаталар, коткыга бирелеп күпләп азык-төлек сатып алудан тыелырга киңәш итәләр.