Әлки районында коррупциягә каршы  иншалар бәйгесендә укучыларның 38 эше катнашкан

Республика күләмендә үткәрелгән әлеге бәйгедә районның 17 мәктәбе катнашкан. Балаларның күпчелеге иншаны туган телләрендә язган. Татарча иншалар авторлары арасында  Базарлы Матак урта мәктәбенең 9 сыйныф  укучысы Әдилә Сәлахова җиңүче дип табылган. Чуаш телендәге иң әйбәт эш Чуаш Борнае мәктәбенең 6 сыйныф укучысы Александр Аникинныкы булып чыккан. Рус телендә язучылар арасында Юхмачы урта мәктәбенең 6 сыйныф укучысы Ксения Лисина һәм Чуаш Борнае мәктәбенең 10 сыйныф укучысы Данил Варламовның эшләренә иң югары бәя бирелгән.