Әлки районында ковидка каршы вакциналау башланды

Бу турыда районның баш табибы Светлана Одушкина хәбәр итте. Прививканы коронавирус белән чирләмәгән һәм ОРВИ билгеләре булмаган кешеләргә ясыйлар. Беренче булып вакцинацияләнәчәк биш кешенең, алар барысы да медицина хезмәткәрләре,  моңа мөмкинлеге булуы билгеләнгән. Аларга районга кайткан беренче партия вакцинадан укол кадыйлар. Прививка кешенең үз теләге белән генә ясала. Баш табиб әйтүенә караганда, районда коронавируска каршы вакцина ясатырга теләүчеләр күп.