Әлки районында сабан культуралары чәчү планын 100 проценка үтәделәр

Районда иң күп мәйданны көнбагыш культурасы били. Аны механизаторларыбыз 11 мең 546 гектарда чәчтеләр. Арпа – 6485 гектарда, бөртек өчен кукуруз – 6531 гектарда, яшел масса өчен кукуруз – 6570 гектарда, берьеллык үләннәр 4643 гектарда чәчелде. Дөрес, кукурузны әле тагын берникадәр чәчеп, аның мәйданын 7 мең гектардан арттырырга ниятлиләр. Шулай ук бәрәңге утырту да төгәлләнде. Аны “Тяминов” крестьян-фермер хуҗалыгы быел 30 гектарда үстерәчәк.

Соңгы көннәрдә 22 мең гектар мәйданда чәчелгән кырлар химик юл белән эшкәртелгән. Шулай ук корткычларга, төрле авыруларга каршы тагын 2 мең гектарда көрәш алып барылган.