Әлки районында “Татарча диктант” язуда 300 ләп кеше катнашыр дип көтелә

Ел саен Россиянең һәм дөньяның төрле шәһәр һәм авылларында бер үк вакытта үткәрелә торган бу чарада, яше, белеме, дине, һөнәренә карамастан, һәр кеше катнаша ала. Болай күмәкләп диктант язуның максаты – татар әдәби телен белү һәм дөрес язуга кызыксынуны үстерү, орфография һәм грамматика хаталарын тикшерү, татар теле филологларын һәм укытучыларын популярлаштыру, ди оештыручылар.

Район мәгариф идарәсенең милли белем буенча методисты Фәүзия Гыймадиева әйтүенчә, бездә һәр елны татарча диктант мәйданчыклары оештырыла. Былтыр әлеге акциядә 180 кеше катнашкан булган. Быел татарча диктантны 300 ләп кеше язар дип көтелә. Диктант мәйданчыклары урта һәм төп мәктәпләрдә булдырылачак. Акция 13.00 сәгатьтә башлана. Татарча диктант язарга килегез!