Әлки районында тугыз чыгарылыш укучысы БДИ тапшырмый

Бу хакта Президент Владимир Путин үзе белдерде.

Ил башлыгы БДИны быел вузларга керергә теләүче укучылар гына тапшырачак дигән мәгълүматны да раслады.

Район мәгариф идарәсе җитәкчесе урынбасары Сурия Вәлиева әйтүенчә, беренчел мәгълүматлар буенча, 9 укучы югары уку йортларына керергә ниятләре булмавын белдергәннәр. Димәк, алар  дәүләт имтиханы тапшырмаячак, ә аттестатлары еллык билгеләре нигезендә биреләчәк.

Президент шулай ук 9 сыйныф тәмамлаучыларның быел төп дәүләт имтиханы тапшырмаячагын әйткән иде.