Әлки районында туып үскән яшь актер Алмаз Хөсәинов “Сәхнә” журналының махсус бүләгенә ия булды

Алмаз Туфан Миңнуллин исемендәге Түбән Кама Татар дәүләт драма театрында  бишенче ел эшли, шушы вакыт эчендә үзен таныта алды. Театр репертуарында ул катнашкан спектакльләр аз түгел.

Алмаз кечкенәдән җыр-биюгә һәвәс булып, мәктәп елларында ук концертларда катнашып килгән.  Ә аннары Казан театр училищесында белем алган һәм Түбән Кама театрына эшкә килгән. Үзе генә түгел – аның тормыш иптәше, Казан кызы Нурсәнә дә актриса. Яшьләрнең инде дүрт яшьлек уллары да бар.