Әлки районында узган атнада автоинспекторлар дүрт исерекне “эләктергән”

Юл хәрәкәте кагыйдәләрен тупас бозган әлеге бәндәләргә карата материаллар судка тапшырылган. Алар ел ярымга кадәр автомобиль белән идарә итү хокукыннан мәхрүм ителәчәк, шуның өстенә 30 ар мең сум күләмендә штрафка тартылачак.

Узган атна дәвамында шулай ук ике йөртүченең автомобиле техник күзәтү үтмәгән хәлдә юлга чыгуы ачыкланган. Төзеклеге шикле булган әлеге автомобильләр штраф тукталышына куелган.