Әлки районында узган атнада ике салмыш йөртүчене “эләктергәннәр”

Алар Базарлы Матак һәм Түбән Колчурино авылларында яшәүчеләр. Сәрхүшләрнең берсе моңа кадәр дә исерек килеш руль артына утырган өчен административ җаваплылыкка тартылган булган. Бу юлы аңа карата җинаять эше кузгатылырга мөмкин.

Атна дәвамында автоинспекторлар юл хәрәкәте кагыйдәләрен бозуның 60 очрагын ачыклаганнар. Җиде көндә дүрт юл транспорт вакыйгасы булган. Зыян күрүчеләр юк, автомобильләр бераз янчелгән.