Әлки районында ЮХИДИ акциясе: автобус йөртүчеләрне тикшерәләр

Автоинспекторлар бу чорда пассажир транспорты йөртүчеләргә аеруча игътибар бирәләр. Автобус шоферларының юл хәрәкәте кагыйдәләрен бозуын кисәтүгә юнәлтелгән тикшерүләр оештырыла. Йөртүчеләрне туктаткач, ЮХИДИ инспекторлары алар белән аңлату-әңгәмәләр үткәрәләр.

Мондый операцияләрнең максаты—автобус йөртүчеләрнең аварияләр чыгаруына юл куймау. Район ЮХИДИ бүлекчәсе җитәкчесе вазыйфаларын вакытлыча башкаручы Рәмзил Вәлиуллин әйтүенчә, бу елның җиде аенда автобус йөртүчеләрнең юл хәрәкәте кагыйдәләрен бозуының биш очрагы теркәлгән. Шул исәптән бер йөртүче руль артында исерек хәлдә тоткарланган.