Әлки районында юл эшчеләре трассалардагы су торбаларын кардан-боздан чистарталар
“Алексеевскдорстрой”ның район участогы егетләре автомобиль трассалары аша салынган су торбаларын бу атна ахырына чаклы кардан-боздан чистартып бетерергә җыеналар.
Район юл төзүчеләре алдында 466 шундый су агу торбасын чистарту бурычы тора иде. Шуның 300 гә якынын инде кар-боздан һәм чүп-чардан чистартып, язгы сулар агуга әзерләгәннәр. Юл аша салынган әлеге су боҗраларын чистартуда ике экскаватор, ике төрттергечле К-701 тракторы һәм кул эш кораллары белән ике бригада эшчеләре хезмәт куя.
Ә урам юлларындагы торбаларны (алар бигрәк тә Базарлы Матакта күп) һәр йорт хуҗасы үз өе каршындагын чистартырга тиеш. Язгы сулар зыян салмасын өчен бу эшне җиренә җиткереп башкару зарур.
Следите за самым важным и интересным в Telegram-каналеТатмедиа
Нет комментариев