Әлки районының Базарлы Матак авылындагы бер участокта транспорт чаралары хәрәкәтенә үзгәреш кертелде

Анда 3.1 “Керү тыела” дигән юл билгесе куелды. Әлеге юнәлештә барлык төр транспорт чараларына йөрү тыела.

Район ЮХИДИ бүлекчәсе начальнигы Рәис Сафин әйтүенчә, бу юл билгесе куелганнан бирле аны бозган өчен әлеге участокта 26 йөртүче административ җаваплылыкка тартылган. Районның баш автоинспекторы транспорт йөртүчеләргә юл хәрәкәте кагыйдәләрен төгәл үтәү зарурлыгын искәртә. Кагыйдәләрне бозучылар административ җаваплылыкка тартылачак.