Әлки районының яшь көрәшчеләре Илназ Хәмидуллин һәм Марат Зәкиҗанов республика чемпионатында призлы урыннар яулады

Нәби Дәүли исемендәге гимназиянең 9 сыйныф укучысы Илназ Хәмидуллин татарча көрәш буенча республика чемпионатында беренче урын яулады.

Биектауда узган әлеге зур бәйгедә Чуаш Кичүе авылыннан Марат Зәкиҗанов исә үз авырлыгында өченче булды.  Илназ Хәмидуллин 16 мартта милли көрәш буенча Россия беренчелегендә катнашачак. Аның тренеры – Илдар Әхмәров. Ә Маратны ярышларга Алмаз Абдуллин әзерли.