Әлки районының Югары Әлки авылында шәхси хуҗалыктагы сарайны яшен суккан. ФОТО

Бүрәнә сарай тулысынча янып бетә. Янгын сүндерүчеләр утка каршы көрәшеп, аңа башка корылмаларга күчәргә ирек бирмиләр. Бәхеткә, кешеләр зыян күрми.

Узган атнада Базарлы Матакның Үзәк Усадьба урамында мунча янган. Ут өйнең чардагын да зарарлаган. Район янгын күзәтчелеге баш инспекторы Радис Инсапов әйтүенчә, ут-күз мунчадагы электрүткәргечләрдәге кыска ялганыш аркасында килеп чыккан.