Әлкидә “салмыш” җитәкче автоинспекторларга эләккән

Район ЮХИДИ хезмәткәрләре узган атнада юл хәрәкәте кагыйдәләрен бозган 42 кешегә карата беркетмә төзегәннәр.

“Эшлекле дүшәмбе” киңәшмәсендә район эчке эшләр бүлекчәсе җитәкчесе урынбасары Денис Шипигин бер җитәкченең автомобиль белән алкогольле эчемлек кулланган хәлдә идарә итүе ачыклануын әйтте. Салмыш йөртүчегә карата беркетмә төзелгән.

Исегезгә төшерәбез: руль артына исерек хәлдә утырган өчен ел ярымга кадәр транспорт йөртү хокукыннан мәхрүм итү һәм 30 мең сум штраф сану яный.