Әлкилеләр Яңа елны күңелле һәм тыныч каршылады

Елның иң беренче төне районда тыныч узды. Барлык ашыгыч хезмәтләр көчәйтелгән әзерлек режимында булса да, бәхеткә, аларга хәвефле хәбәрләр буенча чыгарга туры килмәгән.

Район медиклары өчен дә Яңа ел төне гадәти режимда узган. Ашыгыч ярдәм хезмәтенә 10 чакыру кергән. Болар нигездә югары температура, кул-аякны авырттыру,хроник чирләрнең кискенләшүе белән бәйле, диделәр безгә ашыгыч ярдәм фельдшерлары.