Православие динен тотучы әлкилеләрне Пасха бәйрәме белән район башлыгы Александр Никошин котлый

"Якты Пасха - христианнарның көтеп алынган иң олы бәйрәмнәренең берсе. Аның табигатьтәге язгы уяну, яңарыш чорына туры килүе дә тирән мәгънәгә ия. Христосның үлеп терелүе бәйрәме тормышның яңаруына, яшәешнең дәвам итүенә ышаныч уята, күңелләрдәге якты өмет хисләрен ныгыта, христианнарны игелекле эш-гамәлләргә рухландыра. Кадерле райондашлар! Сезне чын йөрәктән бу олы бәйрәм белән тәбрик итәм. Якты Пасха һәркайсыгызга күп шатлыклар, күңел күтәренкелеге, нык сәламәтлек, иман байлыгы алып килсен. Өйләрегездә муллык-бәрәкәт, гаиләләрегездә бәхет, мәхәббәт хөкем сөрсен", дигән сүзләр бар район башлыгы котлавында.