Раштуа бәйрәме белән әлкилеләрне район башлыгы Александр Никошин котлый

"Христос туу бәйрәме миһербанлылык, ана булу бәхете кебек изге хисләр белән сугарылган, ул безгә шәфкатьлелек һәм гаделлек хакында искәртеп тора. Бу нурлы бәйрәмгә кешеләр элек-электән рухи пакълек, мәрхәмәт, бәхет һәм иминлеккә ирешү белән бәйле иң якты өметләрен баглаган. Хөрмәтле райондашлар! Сезне ихлас күңелдән якты Раштуа бәйрәме белән тәбрик итәм. Һәркайсыгызга нык сәламәтлек, күңел күтәренкелеге телим. Бәйрәм күңелле узсын, яңа өметләр, иман нуры, илгә-көнгә иминлек, муллык һәм бәхет алып килсен!"-диелә район башлыгы котлавында.