Татарстанда коронавирустан тагын бер кеше үлгән

21 майга Татарстанда коронавирус йоктыруның 71 яңа очрагы ачыкланган.

Боларның берсе вирусны читтән ияртеп кайткан, ә калганнары авыру кешеләр белән аралашу аркасында зарарланган. 24 пациент хастаханәләргә салынган, 47 кеше өйләрендә дәвалана – аларда авыруның җиңел яисә симптомсыз формасы.

Республикада барысы COVID-19 ның 2546 очрагы теркәлгән. 1452 кеше авырудан савыккан.

Коронавирустан үлемнең тугызынчы очрагы расланган. Ул 1950 елгы Зеленодольск районы кешесе. Пациентта  авыр формадагы вируслы-бактериаль пневмония булган. Ул төрле хроник чирләрдән дә интеккән.

Безнең Әлки районында коронавирус белән чирләүнең 9 очрагы расланды. Соңгы тәүлектә районда авыру йоктыручылар ачыкланмаган.