Татарстанда тагын 38 кеше коронавирус йоктырган

Өч кеше авыруны читтән ияртеп кайткан, калганнары чирлеләр белән аралашу нәтиҗәсендә йоктырган. Сигез авыру хастаханәләргә салынган, калганнары өйләрендә дәвалана. Авыручыларның күпчелеге (23 кеше) – Казанда. Күрше Нурлат районында коронавирусның ике очрагы, Аксубайда бер очрагы теркәлгән.

15 октябрьгә Татарстанда  COVID-19ның 7692 очрагы исәпкә алынган. Пандемия башланганнан бирле 6579 кеше авырудан савыккан, шул исәптән 95 пациент узган тәүлектә терелгән.

Район үзәк хастаханәсенең рәсми мәгълүматлары буенча, районда коронавирус белән чирләгән 21 кеше теркәлгән.