Терлекләрнең сәламәтлеге кайгыртыла

Район ветеринария берләшмәсе белгечләре шәхси хуҗалыкларда асралучы сыерларны туберкулез, бруцеллез, лейкоз авыруларына көзге тикшерүне төгәлләделәр. Ветеринарлар 2100 баш сыердан анализ алдылар. Алар шулай ук тагын бер куркыныч авыру - себер түләмәсенә каршы вакцина да кадаганнар.

Безнең яклар өчен соңгы елларда зур куркыныч тудыра башлаган котыру чиренә каршы да кисәтү чаралары күрелә быел: ветеринария берләшмәсе табиблары 5000 баш савым сыерын вакциналаганнар инде. Алар арасында шәхси хуҗалыклар терлекләре дә бар. Бу эшне дәвам итеп, барлык сыерларга да прививка ясарга җыеналар. Республика өчен дә җитди проблема булганлыктан, әлеге чара бюджет аша финанслана.