Әлки районының ветеринария белгеченә атказанган хезмәткәр исеме бирелде

Ветеринария хезмәткәрләре көнен республика зурлап Арчада үткәрде быел. Безнең районнан әлеге бәйрәмдә ун кеше катнашты.

Район ветеринария берләшмәсенә соңгы ике елда ике автомобиль бирелде, белгечләр Арчага шулар белән барганнар. Республика бәйрәменә районның тәҗрибәле табибларын гына түгел, яшь белгечләрне дә алып барганнар. Ә берләшмәнең диагностика бүлеге мөдире Зөфәр Шәрипов өчен һөнәри бәйрәмнәре аеруча сөенечле булган - аңа Татарстан Республикасының атказанган ветеринария табибы исеме бирелгән. Аны авыл хуҗалыгы министры Марат Әхмәтов үзе котлаган.