Яңа уку елында мәктәпләрне яңа кагыйдәләр көтә

Бу хакта республика Роспотребнадзор идарәсе башлыгы урынбасары Любовь Авдонина хәбәр иткән. Яңа кагыйдәләр пандемия белән бәйле рәвештә кертелә.

Мәктәптә балаларның температурасын үлчәячәкләр, уку кабинетлары мәҗбүри рәвештә дезинфекцияләнәчәк.

Любовь Авдонина белдерүенчә, укучылар 1,5 метр дистанция сакларга тиеш булалар.

– Укучылар аз булган авыл мәктәпләрендә дистанция саклау мөмкин дә булыр. Ә менә балалар саны күп булган мәктәпләрдә, аерым алганда, район үзәгендәге уку йортларында бу таләпнең ничек тормышка ашырыласы әле анык билгеле түгел,–район мәгариф идарәсе җитәкчесе урынбасары Сурия Вәлиева.