Әниебез Шәрапова Минҗиһан Сәхап кызының 70 яшьлек олуг юбилее

10 июньдә Базарлы Матакта гомер кичерүче сөекле әниебез Шәрапова Минҗиһан Сәхап кызының 70 яшьлек олуг юбилее. Әни бөтен гомерен хезмәт белән үткәргән, барысын да үз көче белән тапкан, булдырган, без балаларын яратып, ана назын, җылысын биреп үстергән. Әнкәй, син безнең бердәнберебез, өебезнең яме, гаиләбезнең күрке. Күңелең яхшылык, изгелек белән тулган, матур күзләрең шәфкатьлелек нуры сибәләр. Рәхмәт, әнкәй, барлык яхшылыкларың, һәрчак ярдәм итеп торганың, изге догаларың өчен. Сиңа Ходайдан нык исәнлек, озын гомер сорыйбыз. Өебезнең нуры, тормышыбыз үзәге булып бик озак яшәсәң иде.