Әлки хәбәрләре

“Шинник”спорт комплексында, инде менә утыз беренче мәртәбә,Татарстанның атказанган спорт остасы Данил Галиев истәлегенә багышланган татар көрәш турниры үткәрелде.

Бөек Җиңүнең 80 еллыгы уңаеннан район үзәгендәге, авыллардагы иң матур бизәлгән, төзекләндерелгән учреждение, предприятие, эшмәкәрләр бинасына, аның территориясенә конкурс игълан ителә.

Сезне христианнарның якты бәйрәме – Бөек пост тәмамлану һәм Христосның яңадан тууын билгеләү уңаеннан чын күңелдән тәбрик итәм.

Дүшәмбе көнне, 14 апрельдә, Чистай газ хезмәтенең район бүлеген җитәкләүче Фәнис Әнәс улы Фәсаховның вафат булуы билгеле булды.

14 апрельдә Базарлы Матактагы буада үтеп баручылар бер аккошның, браконьерлар салган ауга эләгеп, тыпырчынганын күреп алалар. Бу турыда балыкчылар өчен төрле кирәк-яраклар сату белән шөгыльләнүче Владимир Ивановка хәбәр иткәннәр.

Редакциябезгә әбунәчебез – Базарлы Матакта яшәп, озак еллар районның авыл хуҗалыгы көллиятендә студентларга белем бирүче Флюра апа Галимова керде.

Татарстан Республикасы Министрлар Кабинетының 2025 елның 10 апрелендәге “Татарстан Республикасы территориясендә янгынга каршы махсус тәртип кертү турындагы” 212 нче карары белән 14 апрельдән 11 майга кадәр республикада янгынга каршы махсус тәртип кертелде.

Соңгы биш елда районда кешеләргә котыру чире эләккән очрак теркәлмәгән. Әмма бу, инфекция бездән ерак йөри, дигән сүз түгел. Санитар-эпидемиягә каршы район комиссиясенең чираттагы утырышында сүз котыру чире белән авырган этләр, җанварлар тешләүдән инфекция таралмасын өчен күрелә торган профилактик чараларга багышланды.

Язның беренче җылы, коры көннәре башлануга, талпаннар (халык аны “урман бете” дип тә йөртә) кышкы йокыларыннан уянды.

Автобус йөртүчеләрнең юл-транспорт һәлакәтләре китереп чыгаруын һәм, юл хәрәкәте куркынычсызлыгына йогынты ясарлык итеп, җитди кагыйдәләрне бозуына юл куймас өчен, 14-23 апрельдә районда “Автобус” профилактик чарасы үтә.