Әнкәйләрнең йөрәге..

Әнкәйләрнең йөрәге – төпсез сандык.
Ул сандыкта без дә күпне салдык:
Сагыш, шатлык, куанычлар, күз яшьләре
Дәрәҗәләр, зур өметләр, тормыш мәшәкатьләре
Мәхәббәтен, кайгысын да салдык шунда,
Бар да сыйды эниемнең йөрәк дигән төпсез сандыгына.
Бала диеп, балам диеп әнкәй түзә,
Төпсез сандык – әнкәй йөрәге «дөп-дөп» тибә.
Йөрәк дигән төпсез сандык бер мәл тула...
Утлы вулкан кебек кайный-куптарыла.
Шул сандыкны ачып ташлап, бар булганын
Бушатасы килә аналарның...
Ләкин ана түзә – сандык бикле...
Сорау борчый: «Кайчаннарга тиклем?»
Туктамасын ул йөрәкләр, гел типсеннәр!
Шул сандыкка яхшылыклар гына
Үрелсеннәр...

Гөлназ Хәлиуллина, Базарлы Матак.