Әлкиле Гөлнур Гатауллина татар телен өйрәтү серләре белән бүлешә
Базарлы Матак мәктәбендә татар телле булмаган балаларга республиканың икенче дәүләт телен тәҗрибәле укытучы Гөлнур Харис кызы Гатауллина укыта. Әнкәләре бишек көйләмәгән, әбкәләре хикәя сөйләмәгән татар теленә бу укучыларның мөнәсәбәте нинди? Ата-аналары улларына-кызларына өстәмә йөкләмә дип канәгатьсезлек белдермиләрме? Менә шул һәм тагын башкалар турында сөйләштек без Гөлнур Харис кызы белән.