Аек һәм сәламәт тормышны сайласыннар
Кайда наркомания - анда хәсрәт, газап, күз яшьләре. Бу афәт килгән җирдә язмышлар җимерелә, япь-яшь гомерләр вакытсыз өзелә. Наркомания тозагына нигездә яшьләр эләгә дә бит. Наркотикларга каршы көрәш комиссиясенең узган атнада булган утырышында каралган мәсьәләләрнең дә һәркайсы асылда районыбызда яшьләрне, мәктәп балаларын әнә шушы золымнан аралап, йолып калу турында иде.
