11 ноябрь 2014 яңалыклары

• 11 ноябрь 2014

  Автомобиль карагы тотылган

  5 ноябрьдә 20 сәгатьтә Базарлы Матакта берәүнең ВАЗ автомобилен урлап китәләр. Машина Казан кешесенеке була. Районыбыз полиция хезмәткәрләре угрының эзенә бик тиз төшәләр. "Тимер ат" хуҗасына кайтарыла. Ә каракны җәза көтә.

  
• 11 ноябрь 2014

  Район советы утырышы була

  14 ноябрьдә муниципаль район советының чираттагы утырышы була. Анда 2015 елга бюджет каралачак. Утырыш балалар иҗат йортында сәгать 10 да башлана. Барлык депутатлар, оешмалар һәм учреждениеләр җитәкчеләре чакырыла.

  
• 11 ноябрь 2014

  Мини-футбол буенча ДЮСШ беренчелеге төгәлләнде

  2001 елгы һәм аннан яшьрәк малайлар арасында мини-футбол буенча ДЮСШ беренчелеге төгәлләнде. "Барслар" командасы беренче урынны яулады. Әлеге команда уенчылары - Нияз Фәттахов, Данил Леонтьев, Салават Хәйретдинов, Руслан Шаһиев һәм Азат Нигъмәтҗанов. Икенче урында - "Спартаклылар", өченче -"Лачыннар". Унбер яшьлек Илнур Гатин иң яхшы уенчы дип табылды. Ул менә дигән...

  
• 11 ноябрь 2014

  Норлатта үткән милли көрәш бәйгесендә безнең җыелма команда уңышлы чыгыш ясады

  Норлатта үткән милли көрәш бәйгесендә безнең җыелма команда уңышлы чыгыш ясады. Яшь көрәшчеләр Хәмидуллин Илназ белән Мәрдиев Салават җиңүләр яуладылар, ә Зыятдинов Рәис икенче урынны алды.

  
• 11 ноябрь 2014

  Иң күп газета укучылар – Чиябашта һәм Ташбилгедә

  Чиябаш һәм Ташбилге почта бүлекчәләре районда беренчеләрдән булып киләсе елның беренче яртысына "Әлки хәбәрләре"нә язылу планын үтәделәр. 2015 елның беренче яртысы өчен газета-журналларга язылу дәвам итә. Район халкы 8076 данә газета-журналга язылган инде. Шуның яртысы (4125 данә) - "Әлки хәбәрләре" газетасы. Ташбилге почта бүлекчәсе (җитәкчесе Рузалия Игъламова) һәм Чиябаш бүлекчәсе...

  
• 11 ноябрь 2014

  Көзге чакырылыш буенча хезмәт итәргә егетләрнең беренче төркемен озаттылар

  Россия Кораллы көчләренә көзге чакырылыш буенча хезмәт итәргә егетләрнең беренче төркемен озаттылар. Алар - Яңа Салманнан Шәһитов Динар, Иске Салманнан Нуруллин Зөлфәт, Базарлы Матактан Кыямов Илнур һәм Хузангайдан Казанков Радмир белән Шкердов Николай.

  
• 11 ноябрь 2014

  Авыл матурайсын өчен барысы да эшләнә

  Соңгы ике атнада Базарлы Матак урамнарындагы яктырткычларның 70 ендә лампочкалар энергияне аз сарыф итә торганнарга алыштырылган. Шәйдуллин һәм Җиңүнең 40 еллыгы урамнарында зыян күргән электр линиясе алыштырылган. Залаков урамындагы 4 нче санлы ике катлы йортларның бакчалары яңа койма белән әйләндереп алынгын. Ә Яшьләр урамындагы яңа паркка җитәрлек кадәр туфрак салынган.

  
• 11 ноябрь 2014

  ДЮСШның футболчылар командасы республика беренчелеге финалында катнашу хокукын яулады

  ДЮСШның футболчылар командасы (2000-2001 елгылар), мини-футбол буенча Болгарда узган зона ярышларында барлык көндәшләрен җиңеп, республика беренчелеге финалында катнашу хокукын яулады. Руслан Галиев, Никита Софронов, Камил Мәрдегалләмов, Николай Балакирев, Рәсим Әхмәров, Руслан Әхмәтҗанов, Марат Гайфуллин, Раил Шәмсетдинов составындагы командабыз үзләрен футбол осталары итеп күрсәттеләр. Алар Аксубай командасын 7:4, яңачишмәлеләрне 10:0, нурлатлыларны...