Әлки районы: Василий Мошковның эшчәнлеге хәзер дә үрнәк булырлык
Тиздән без Татарстан Автономияле Совет Социалистик Республикасы төзелүгә 100 ел тулуны билгеләп үтәчәкбез. Гасырлык тарихы эчендә республика гаҗәеп үсеш юлы үтте. Һәм аның казанышларына әлкилеләр дә лаеклы өлеш керттеләр. Районыбыз күп кенә танылган шәхесләр, җитәкчеләр үстереп бирде Татарстанга. Алар бездә эшләп чыныгу алган, соңрак республиканың башка районнары хуҗалыкларын, предприятиеләрен җитәкләп үзләренең һөнәри осталыгын исбатлаган кешеләр. Шундыйларның берсе – Түбән Кәчи авылында туып-үскән Василий Мошков, күпсанлы орден-медальләр кавалеры.
