Яңа Салман авылыннан Денис Саттаров бүгенге көндә махсус хәрби операциядә катнаша
“Без укыган мәктәпнең идәннәре тактадан, саргылт-көрән төстә, баскычлары исә кызгылт-көрән, аның урта өлешендәге буявы күп йөрүдән ашалган, ә өстәл-парталары катлы-катлы итеп буялган иде”, – дип, сагынып искә алды Денис туган мәктәбен. Күңелендә белем йорты турындагы хатирәләре яңарганда, аның йөзендәге якынлык, ярату, рәхәтлек хисләренең балкуын күрү бер дә кыен түгел иде.
