Район ветеринария берләшмәсе ветеринария табибы Фердинат Мәхмүтов республика Премьер-министры Илдар Халиковның Рәхмәт хаты белән бүләкләнде

"Хөрмәтле Фердинат Мансурович! Татарстан Хөкүмәте исеменнән Сезгә күпьеллык намуслы хезмәтегез һәм республиканың ветеринария иминлеген тәэмин итүгә керткән зур өлешегез өчен рәхмәт белдерәм. Сезнең хезмәт эшчәнлеге үзегез сайлаган эшкә - ветеринария һәм фитосанитария иминлеген тәэмин итүгә, Татарстанның азык-төлек хәвефсезлеген ныгытуга - фидакарь хезмәт итү үрнәге булып тора. Хезмәтегез белән бәйле мәсьәләләрне хәл итүдә профессиональлегегез, принципиальлегегез белән сез абруй казандыгыз, коллегаларыгыз арасында танылдыгыз. Сезгә нык сәламәтлек, бәхет һәм эшегездә яңа уңышлар телим", диелә рәхмәт хатында.

фото cool-pictures.su сайтыннан