Спорт дөньясында

• 06 февраль 2013

  Ирек Сөләйманов истәлегенә ярыш

  2 февральдә "Алинә" универсаль спорт залында Әфган сугышында һәлак булган якташыбыз Ирек Сөләйманов истәлегенә ир-атлар арасында волейбол турниры үткәрелде. Ярышта күрше районнар җыелма командалары да катнашты.

• 01 февраль 2013

  Әлки егетләре – беренче урында

  26 гыйнварда "Алинә" универсаль спорт залында мәктәп укучылары һәм яшьләр арасында авыл хуҗалыгы һәм азык-төлек идарәсе призларына милли көрәш бәйгесе булды. Турнирда Әлки, Алексеевск, Саба районнарыннан һәм Казанның Идел буе районыннан 146 көрәшче катнашты. Иң күп призлы урыннарны районыбыз мәктәпләре укучылары яулады.

• 30 гыйнвар 2013

  Россиядә ут эстафетасы башланды

  25 гыйнварда - Студентлар көнендә Владивостокта 27 нче Бөтендөнья җәйге Универсиада утының Россиядәге эстафетасы башланды. 161 көн эчендә Универсиада уты Владивостоктан Казанга кадәр юл үтәчәк.

• 23 гыйнвар 2013

  Казан Студентлар уеннарына әзерләнә

  Бу елның иң зур һәм иң күренекле вакыйгасы - 27 нче Бөтендөнья җәйге Универсиада. Ул 6-17 июль көннәрендә республикабыз башкаласы Казанда узачак.

• 16 гыйнвар 2013

  Чаңгычыларны салкын куркытмый

  Үткән якшәмбедә "Яшь имәннәр" балалар савыктыру лагере базасында район беренчелегенә чаңгы узышлары булды. Чаңгы шуу спортның кышкы төре булса да, оештыручылар бу бәйгене быел Казанда узачак зур вакыйгага - ХХVII Бөтендөнья җәйге Универсиадага багышладылар. Көн шактый суык иде, әмма салкын чаңгычыларны куркытмаган, ярышларга күп кеше җыелды.

• 26 декабрь 2012

  Айдар истәлегенә багышладылар

  Кызганычка каршы, кайчак якыннарыбызны, дусларыбызны әле бөтенләй яшь көе югалтабыз да, аларның якты истәлекләрен күңелләребездә гомер буе кадерләп саклыйбыз.

• 21 декабрь 2012

  Рәис һәм Ләйлә Гаязовлар турнир оештырды

  Атна саен диярлек "Алинә" универсаль спорт залында төрледән-төрле спорт ярышлары үтеп тора. Узган атнада районның хатын-кызлар командалары арасында чираттагы волейбол турниры узды. Әлеге бәйге Юристлар көненә багышлап оештырылды.

• 12 декабрь 2012

  Рухлары көчле, омтылышлары зур

  6 декабрьдә районыбыз инвалидлары "Алинә" универсаль спорт залына җыелдылар. Соңгы елларда урнашкан күркәм традицияне дәвам итеп, быел да алар Халыкара инвалидлар көнен төрле спорт ярышлары белән билгеләп үттеләр. Бәйгеләрдә катнашып көч сынашу белән бергә, үзләренең тормыш-көнкүрешләре турында сөйләштеләр, шатлыкларын, проблемаларын бүлештеләр. Район мәдәният йорты үзешчәннәре концерты исә аларның күңелләрен тагын...

• 12 декабрь 2012

  Атна җиңүләргә юмарт булды

  7 декабрьдә "Алинә" спорт залында ирекле көрәш буенча район ярышлары уздырылды.

• 04 декабрь 2012

  Җиңүгә бер генә адымда идек

  Үткән шимбәдә "Алинә" универсал спорт залында "Татарстан-яңа гасыр" иҗтимагый хәрәкәте призларына икенче лига ир-атлар командалары арасында волейбол буенча финал ярышлары булды. Анда Саба, Актаныш, Аксубай һәм Әлки районнары командалары катнашты.

• 28 ноябрь 2012

  Әлки җире чемпионнарны ачыклады

  Футбол җанатарлары өчен 23-25 ноябрь көннәре чын мәгънәсендә бәйрәм булды - "Алинә" спорт комплексында авыл районнарының ир-атлар җыелма командалары арасында мини-футбол буенча Татарстан беренчелегенең финал уеннары үткәрелде. Ярышлар IХ "Сәламәтлек" спартакиадасы кысаларында узды.

• 16 ноябрь 2012

  Волейбол, көрәш, каратэ…

  9 ноябрьдә көрәш буенча район җыелма командасы Нурлат шәһәрендә узган районара ярышларда катнашты. Барлык үлчәү категорияләрендә уңышлы чыгыш ясап, көрәшчеләребез шәхсен 10 призлы урын һәм командалар арасында икенче урын яуладылар.

• 14 ноябрь 2012

  Алкоголь, наркотик түгел, спортны сайлыйбыз!

  10 ноябрьдә «Алинә» универсаль спорт залында татарча көрәш бәйгесе булды. Әлеге районара ярышлар Россия эчке эшләр органнары хезмәткәрләре көненә багышлап һәм «Спорт алкогольгә, тәмәкегә, наркотикларга каршы!» девизы астында үткәрелде. Көрәш келәмендә Аксубай, Алексеевск һәм Әлки районнарыннан 1995-1998 елларда һәм 1999-2004 елларда туган малайлар көч сынашты.

• 14 ноябрь 2012

  Егетләр солдат хезмәтенә әзерләнә

  РОСТО (ДОСААФ) район оешмасы тирында төз ату буенча бәйге оештырылды. Анда хәрби хезмәткә чакырылачак егетләр үзләренең осталыкларын күрсәттеләр. Әлеге ярыш 4 ноябрь - Халыклар бердәмлеге көненә атап үткәрелде.

• 26 октябрь 2012

  Бадминтон уйнарга өйрәнәчәкләр

  Юхмачы урта мәктәбендә балалар һәм яшьләр спорт мәктәбе тренерлары, мәгариф идарәсе, балалар иҗаты йорты белгечләре катнашында районда бадминтонны үстерү мәсьәләләренә багышланган киңәшмә-семинар үткәрелде.