Киләсе елда бәйрәм көннәрендә ничек ял итәбез

"Эшчеләр тарафыннан ял һәм бәйрәм көннәрен рациональ рәвештә куллану максатында, Россия Хезмәт министрлыгы 2018 елда ял көннәрен күчерү тәртибе турында Россия хөкүмәтенең карар проектын әзерләде",-диелә министрлыкның матбугат хезмәте хәбәрендә.

Киләсе елда ял көннәре болай булыр дип планлаштырыла: 2017 елның 30 декабреннән 2018 елның 8 гыйнварына, 23 ннән 25 февральгә кадәр, 8 еннән 11 мартка кадәр, 29 апрельдән 2 майга кадәр, 9 май, 10 июньнән 12 июньгә кадәр, 3 ноябрьдән 5 ноябрьгә кадәр.

(Бу хакта "Татар-информ" мәгълүмат агентлыгы хәбәр итә).