“Әлки хәбәрләре”ндә кунак булды

Данил Хәбибрахман улы заманында Галиәскәр Камал исемендәге театрда эшләгән. Ул анда якташ артистларыбыз Әсхәт Хисмәт, Рузия Мотыйгуллина, шулай ук Исламия Мәхмүтова белән дус, үзара аралашып иҗат итүләре хакында сөйләде, истәлекләре белән уртаклашты.

–Базарлы Матак, Әлки җире хәйран үзгәргән, матурайган. Ун ел чамасы элек сездә булган идем. Райондагы күркәм зур үзгәрешләрне күреп сокландым,–дип тә сөендерде Язучылар берлеге рәисе.

Әдип редакция коллективына “Таш сандык” дигән китабын бүләк итте.

Соңрак Данил Салихов районда узган берничә чарада катнашты.