Әлки районы Базарлы Матак авылында игезәк малайлар дөньяга килде

Рифат – эшмәкәр, ә Алсу район урман хуҗалыгының кадрлар бүлеге хезмәткәре. Кызлары Әминәгә ике яшь ярым. Игезәкләр республика клиник хастаханәсенең перинаталь үзәгендә дөньяга килгән. Малайларга Ислам һәм Инсаф дип исем биргәннәр.

Игезәкләр туу нәселдән килә, диләр. Алсуның әйтүенчә, игезәкләр  аларның ике як гаиләсендә дә бар икән. “Күз тимәсен, улларыбыз әлегә елап, көйсезләнеп бимазаламый, күп вакыт йоклыйлар”,–ди яшь әни. Пар бәбиләрне үстерергә аларга әти-әниләре дә ярдәм итә.

Сүз дә юк, игезәкләр дөньяга килү – икеләтә шатлык. Әти-әнисенә аларны бәхетле тигез гаиләдә сәламәт итеп үстерергә насыйп булсын.