Әлки районы:Базарлы Матакның Үзәк усадьбасы сулы булыр

Бу көннәрдә Базарлы Матакның Үзәк усадьба урамында су трассасын ремонтлау  бара.

Әлеге эшләрне Базарлы Матак башкарма комитеты һәм район коммуналь челтәрләре эшчеләре башкара. Элегрәк елларда бу урамга 100 миллиметрлы суүткәргечкә ялгап 63 миллиметрлысын тоташтырган булганнар. Нәзек үткәргечле өлештәге йортларда яшәүчеләр ел саен суга тилмерә иде. Инде бу мәсьәлә уңай хәл ителеп килә – урамга тулысынча зур диаметрлы үткәргечләр салынып ята.