Әлки районы авыл хуҗалыгы идарәсе белгечләре Татарстан Премьер-министры урынбасары Марат Әхмәтовның Рәхмәт хаты белән бүләкләнделәр

Намуслы тырыш хезмәтләре һәм гражданнар оборонасы өлкәсендәге чараларны үткәрү мәсьәләләрен уңышлы хәл итүләре өчен район авыл хуҗалыгы һәм азык-төлек идарәсенең үсемлекчелек буенча консультанты Фәргать Зәкиев һәм механикалаштыру буенча консультанты Рафик Галләмов Татарстан Премьер-министры урынбасары, авыл хуҗалыгы һәм азык-төлек министры Марат Әхмәтовның Рәхмәт хатлары белән бүләкләнделәр.

"Хәрби чорга якын шартларда үткәрелгән өйрәнүләрдә авыл хуҗалыгы производствосын тоткарлыксыз тәэмин итүгә юнәлтелгән мәсьәләләрне хәл итеп, сез үзегезгә беркетелгән участокларда хайваннарны, үсемлекләрне, су һәм азык чыганакларын саклау буенча чараларда менә дигән нәтиҗәләр һәм оешканлык күрсәттегез. Нык сәламәтлек, бәхет, иминлек һәм хезмәт уңышлары сезгә",-диелә Рәхмәт хатларында.