Әлки районында авыллардагы ярдәмгә мохтаҗ өлкәннәрне ачыклыйлар

Районда бүген 70 яшь һәм аннан өлкәнрәк булган ялгыз яшәүче 1300 ләп кеше исәпләнә. Алар нинди ярдәмгә мохтаҗ? Кемнәргәдер өй эшләрен үзләренә башкару кыенга килә, һәм аларга социаль хезмәткәр билгеләү зарурдыр. Ә ялгыз яшәүче кайбер әби-бабайларга өлкәннәр йортына урнашу кулайдыр. Социаль хезмәткәрләр, өлкәннәрнең хәлләрен, яшәү шартларын белешеп, әнә шуларны ачыклыйлар. Бу эшне алар авылларның җирле үзидарә хезмәткәрләре белән берлектә башкаралар.