Әлки районында туып-үскән рәссам Радик Минһаҗев картинасы бәйгедә җиңү яулаган

Татарстанның атказанган рәссамы Радик Минһаҗев Чистай шәһәрендә яшәп иҗат итә. Аның картиналары төрле күргәзмәләрдә катнаша, бәйгеләрдә җиңү яулый. Күптән түгел аның иҗат җимеше "Арт-Сабантуй-2017" төбәк конкурсының "Есть милая страна, есть угол на земле" номинациясендә иң күп тавыш җыеп (2322 тавыш; ә икенче урынны алучы 1317 тавыш җыя алган), рәссам лауреат булды. Өч ел элек ул бу бәйгедә икенче урынны алган иде.
Радик Минһаҗевның берничә картинасын Татарстан Дәүләт фонды да сатып алган.
Безнең alki-rt.ru сайтында сез якташыбызның беренче урын яулаган картинасы белән хозурлана аласыз.