Әлки районында Халыкара гаилә көне уңаеннан онлайн-бәйгеләр үткәрелә

Район мәдәният йорты хезмәткәрләре Халыкара гаилә көне уңаеннан берничә онлайн-бәйге игълан итте.

Әлкилеләргә “Минем гаиләм” темасына рәсем ясарга һәм “Гаилә бәхете рецептлары” дигән темага эссе язуда үзләрен сынап карарга тәкъдим ителә.

“Алькеевский РДК” инстаграмында оештырылган бу бәйгеләргә 15 майда нәтиҗә ясалачак. Инде үзләренең гаиләләре турындагы иҗат җимешләрен юллаучылар бар.

Халыкара гаилә көнендә 14.00-15.00 сәгатьләрдә үзешчән артистларыбыз инстаграмда туры эфирда концерт белән чыгыш ясарга җыена.